Fáðu stuðning hjá okkur
Öll eru velkomin á fund hjá OAOA eru sjálfshjálparsamtök fyrir fólk með matarfíkn. Kerfið er byggt á kerfi AA samtakanna og stendur fyrir Overeaters Anonymous. Við bjóðum öll sem hafa löngun til að hætta að borða hömlulaust velkomin á fund hjá okkur. Félagsskapur OA leggur áherslu á að öll eru samþykkt og viðurkennd án aðgreiningar, enginn er útilokaður.
fyrir hvað stöndum við?
Hvað gera OA samtökin?
Matarfíkn getur verið stórt vandamál í lífi fólks. OA samtökin hafa lausn við þessu vandamáli sem byggir á 12 spora kerfi AA samtakanna. OA félagar eru karlar, konur og kvár á öllum aldri um allan heim sem eiga sér þá ósk heitasta að halda sig frá hömlulausu áti og vilja bera boðskap samtakanna um bata áfram til þeirra sem enn þjást.
Í OA er talað um fráhald, en fráhald er sú aðgerð að halda sig frá hömlulausu áti og hömlulausri matarhegðun um leið og unnið er að því að ná og viðhalda heilbrigðri líkamsþyngd. Andlegur, tilfinningalegur og líkamlegur bati er árangur þess að lifa og iðka 12 spor OA samtakanna daglega.
12 spora samtök
OA eru byggð á 12 spora kerfi AA samtakanna
Hjálp við matarfíkn
Matarfíkn getur verið stórt vandamál í lífi fólks. OA samtökin eru tilbúin til að hjálpa ykkur með hjálp AA kerfisins.
Allir velkomnir
Við tökum vel á móti fólki af öllum kynjum á öllum aldri. Það kostar ekkert að mæta og hægt er að sjá hvar fundir eru haldnir hér.
Fullum trúnaði heitið
Á fundum er algjör trúnaður, þ.e. þegar fundinum er lokið er ekki rætt um hverjir voru á fundunum eða hvað þeir sögðu þar.
Bera boðskap áfram
Hjálpumst að við að hjálpa hvort öðru. Berum boðskap OA samtakanna áfram til þeirra sem enn þjást.
Ekki megrun
OA er ekki megrunarklúbbur og setur engin skilyrði um þyngdartap. Með því að viðurkenna vanmátt okkar gagnvart mat og með því að kasta frá okkur þeirri hugsun að maður þurfi á „viljastyrk“ að halda til að stjórna áti sínu, verður maður fær um að halda sig frá ofáti – einn dag í einu.
Þekkir þú einkennin?
Á eitthvað af þessu við um þig?
Hér fyrir neðan höfum við tekið saman ein helstu einkenni matarfíknar. Lestu yfir yfir þessa punkta og athugaðu hvort eitthvað af þessu eigi við um þig. Ef þú ert enn ekki viss, skaltu taka sjálfsprófið og lesa reynslusögur.
Borða þrátt fyrir seddu
Ég finn alltaf fyrir hungri, líka þegar ég er nýbúin/nn/ið að borða
Sektarkennd yfir mataráti
Þegar ég er búin að borða fæ ég mikla sektarkennd og vildi að ég hefði ekki borðað neitt.
Hugsa oft um mat
Ég fæ reglulega upp hugsanir um mat, þó ég sé ekki svöng/svangur/svangt.
Borða í einrúmi
Það fylgir því það mikil skömm að borða að ég get ekki hugsað mér að borða fyrir framan annað fólk.
Borða þegar mér líður illa
Þegar mér líður illa, eitthvað kom uppá eða mér líður illa með eitthvað sem gerðist eða með sjálfa/n/t mig, líður mér betur ef ég borða.
Hef reynt mörg ráð án árangurs
Ég hef prufað alla megrunarkúrana, farið á öll námskeið og reynt allt til þess að breyta mér en hef/ur ekki enn tekist það.
Taktu skrefið að betri vellíðan
Á þessari síðu getur þú komist að því hvort þú eigir við matarfíkn að stríða. Hér er hægt að taka sjálfspróf til að kanna hvort OA sé eitthvað fyrir þig. Einnig er hægt að lesa reynslusögur hérna á síðunni til að sjá hvort þú þekkir eitthvað í sögu þeirra OA félaga sem hafa sagt sögu sína.
Næstu fundir
Yfirlit yfir fundi
Öll eru velkomin á fund hjá okkur. Fyllsta trúnaðar er heitið.
Hér er yfirlit yfir alla fundi en einnig eru allir fundirnir sömuleiðis á Zoom.
Nr: 764-428-5978 // Lykilorð: 123456
Fréttir
Hátíðarfundir OA 2024
Hátíðarfundir OA 2024 verða í sal A í Gula húsinu á Aðfangadag og Gamlársdag kl. 10:30-11:30 og einnig á Zoom.
Nýr ókeypis bæklingur fyrir nýliða
OA samtökin bjóða nú upp á ókeypis bækling hér á vefsíðunni sem heitir Hvar á ég að byrja? og hentar sérstaklega vel þeim sem eru að taka sín fyrstu spor í átt að bata við matarfíkn.
Reynslusögur
Getur þú speglað þig í þessum reynslusögum?
Saga matarfíkils
Í OA samtökunum þarf enginn að koma fram undir nafni og því birtist þessi frásögn nafnlaust. Ég er matarfíkill sem lýsir sér þannig að ég er vanmáttug þegar kemur að mat, sérstaklega sykri og skyndibitafæði.
OA gaf mér nýtt líf
Þegar ég kom fyrst inn á fund hjá OA fyrir rúmum 21 mánuði síðan var ég skíthrædd. Ég var þá 27 ára, 135 kg (er 166 cm) og búin að fá gallsteina vegna neyslu á óhollum mat og sælgæti.
Líf án sektarkenndar
Ég er þakklát ofæta fyrir að hafa í öllu myrkrinu ratað inn í OA. Frá unglingsárum hefur líf mitt, þar til nú, snúist um að á morgun fer ég í megrun, eða í dag er ég í megrun og allan tímann át ég stöðugt, var hömlaus nartari og hafði sektarkennd.